शासकीय पुनर्नियुक्त माजी सैनिक संघटना, महाराष्ट्र राज्य

महाराष्ट्र राज्यात शासन सेवेत असलेल्या माजी सैनिकांच्या अडचणी ह्या विविध स्वरुपाच्या असल्यामुळे व विशेषता सैन्यदलातील सेवेच्या नियमाच्या संबधित असल्यामुळे राज्यात कार्यरत असलेल्या विविध संघटनेंना याबाबतचचे ज्ञान नसल्यामुळे या अडचणी मध्ये वाढ होत होती . त्यामुळे शासन सेवेत असलेल्या माजी सैनिकांना आपल्या हक्काचे व्यासपीठ उपलब्ध नव्हते. या अडचणीत वर्ष 2011 मध्ये अधिक वाढ झाली , राज्यातील शासन सेवेत असलेल्या माजी सैनिकांना विशेषतः जानेवारी 2006 नंतर शासन सेवेत नियुक्त झाले . त्यांच्या करिता सदर वर्ष फार वेदनादायी व असह्य वाटणारे ठरले .

याचे कारण ही तेवढेच विशेष होते. वेतननिच्छितेचे शासनाचे ध्येय धोरणावर शंका निर्माण करणारे होते, त्यामुळे सर्व माजी सैनिकांच्या वेतनातुन मोठ्या प्रमाणात कपात होणार होती . निच्छितच या गंभीर परिणामामुळे माजी सैनिकांमध्ये घबराट निर्माण झाली .

नेमके हेच कारण राज्यामध्ये पुनर्नियुक्त माजी सैनिकांची संघटना निर्माण करण्यास करणीभूत ठरले . त्यावेळेस राज्यातील सर्व जिल्हामधून मोठ्या संखेने पुनर्नियुक्त माजी सैनिक औरंगाबाद येथे एकत्र आले व यावर एकमत झाले की आपल्या हक्काची संघटना राज्यामध्ये कार्यरत असायला हवी .

उपरोक्त सर्वांनुमते शासकीय पुनर्नियुक्त माजी सैनिक संघटना, महाराष्ट्र राज्य या नावाने कार्यरत असावी असे ठरले . व या संघटनेची स्थापना 02 ओक्टोंबर 2011 या विशेष दिनी करण्यात आली .